2013-03-15

【am730】陳秀慧:先學做個人 (239)

【am730專欄】已經不止一次,有平日少理政治,但因不同原因而初接觸到某些社運青年,之後他們很驚訝地聽到很多耳語是非傳聞後跑來問我。我通常會答:「係喎,都唔知點解你又唔係想去聽呢啲嘢,但啲人總係急不及待咁將是非話俾你知?可能當你特別好朋友啦。」
政客公開講一套,底裡說的又另一套,雖不認同但我仍可理解是政治手段,稱得上政客本來就要謹慎觀察不能輕信。但在社運青年間都出現這種情狀,情何以堪,不想相信心地太差,唯有信其幼稚可笑,以秘密耳語增加共同感,跟辦公室一樣有共同敵人便能團結交吓心。
政圈與社運只是一紙之隔,有時合作,有時利用,公開時禮貌周周,人後就誣衊造謠,口講大是大非,做出來的就是是非非,做得太過分,兩者就會融為棍。網絡時代還有一種Facebook生事法,分享一張圖,一段片,留兩句模棱兩可的話,有時抽抽水,有時表情符號,嘲笑罵戰唔關我事,你罵我別有企圖,就是你多心幻想敵人。救命,不是認同你算半個公眾人物,你的分享和感想關人鬼事。近日朋友流行分享屎感咖喱漢堡相片,好噁心,我不覺得有趣也就不會分享,不過朋友也有玩核突的自由;之前朋友分享港女status,我也覺得群起討論一個非公眾人物不太妥當,所以都會避免分享和評論。分享不分享,留甚麼言,全都代表你的態度,自己負責。
參加過一次選舉,親身體會過政圈權慾妖氣沖天,也許三百年前義士很多,但能一直在圈中又能把持自我的卻太少。有言「邪人說正法,正法亦邪。正人說邪法,邪法亦正。」講到底,理論與權謀都不及先做個好人來得緊要。

原文連結