2013-06-16

【輔仁媒體】Zero:香港學生=試驗品 (1405)

作者: Zero | 友善列印

(鏡攝)

 

大約一個月之後,就係文憑試放榜既大日子。作為應屆文憑試考生既本人,都開始要擔心自己成績唔好而要重讀。如果真係不幸重讀,令筆者最擔心既,唔係咩心理壓力之類個d因素,而係擔心如何係朝令夕改既考試制度之下,可以如何生存。

話說係第一屆文憑試既通識入面,卷一個三條分數既分佈都係4,6,10,當第二屆考生都諗住跟呢個模式去操練既時候,係今年出既練習卷同正本戲,分布卻忽然竟然變左4,8,8,6,8,6,8。試題模式上既轉變,相信係回應番以往學生「答唔哂分卷」既問題,而問題上,亦比以往更為大路,亦似乎幫到一班程度稍低既考生;不過,係出現突如其來既改變既同時,亦有一班考生成為左犠牲品。筆者睇住有部分同學係試題模式既改變後,表現仍然唔錯,卻有跌watt既跡象;亦試過睇住有同學係試題模式既改變之後,由成績中等,跌到成績比班hea_ _既人更差;但同時又睇到有d hea_ _既同學,由長年唔合格,成績忽然去到同筆者咁上下。(利申:筆者既通識成績只屬中等)

 

講番現實,明明334已經係九年前開始提出,亦推行左一段時間,但係點解會係試都考埋先話要轉課程內容/考試模式?誇張d講句,一班高官係制度上作少少修改,其實可以影響考生入唔入到大學。而單係一科中文科,已經可以玩死好多人。

首先講講下年既考生。早排考評局宣佈,下年係中文卷四,將會取消on_無極限既個人朗讀,而改為小組討論入面,每個考生設有一分鐘首輪發言時間。如果小組討論個15分鐘包括共5分鐘首輪發言,考生咪變相得番10分鐘討論?若然係討論入面,其中一個人壟斷發言,其他人基本上可以宣佈收_--唔夠機會發言;如果大家都爭住講,但時間少左,又係咪代表成個討論可以完整地完成?咁最後受害既又係邊個?

 

除左呢樣之外,如果第四屆既文憑試考生不幸炒左中文而想再考過中文,佢地又點處理第五屆中文科既新卷三?(聆聽及綜合能力考核 ),正常的話,佢地過往又未處理過「聆聽及綜合能力考核 」,唔似得黎緊9月升中四既考生,可以學/操足三年「聆聽及綜合能力考核 」,咁佢地又點可以同其他考生爭一日之長短呢?再講埋較具爭議性既範文,如果某考生係前一屆文憑試炒左中文,而下一屆文憑試先開始出範文,佢地又點樣可以一年之內追番哂三年既野?佢地又點識答同範文有關既題目?

不得不懷疑,係個班高官心目中,即使有學生成為考試制度之下既犠牲品,佢地都只會擺住「who fxxking cares?」既心態,因為佢地既仔女根本唔洗接受香港既「優質」教育。講到底,香港學生只不過係用完即棄既試驗品。成功的:「恭喜你 ,你將會成為大學生。」;失敗既,好彩就去外國留學,不幸既就只好講一句:「鬼叫你窮?i大/asso/就有你份!」

 



原文連結



No comments: