2013-10-21

【輔仁媒體】林鴻達:左膠騎劫天仙局 (2432)

週日有超過12萬人响政總集會,氣勢其實是不錯的。我在會場周圍走,見到嘅場面係比去年學民思潮佔領時更擠迫,參與市民情緒更高漲,迫到六八九「即時投降」是有可能的。不過六點後左膠嘅出現,就出現負面逆轉。夜晚十點後出現有人向左膠「爆seed」,左膠騎劫之局終於兵敗如山倒。

今次集會事前不少人(包括小弟)不斷透過Facebook等網絡平台向左發出警告不要打算騎劫,但班左膠其實算精明,先安排一個名不經傳嘅陳璟茵開個Facebook Page 先攞個網上頭彩。然後就當毛孟靜協助 HKTV 工會舉行集會之後,就另起爐灶搞遊行。目的不只是維持佢哋嘅「既有抗爭模式」,另一方面HKTV工會講明佢哋嘅集會係直到18:00,班左膠嘅打算就係「揼波鐘」去到政總就「接手」個場,不費吹灰之力就騎劫。

至於「爆seed」其中一個重點落在「商討環節」。其實我在日前見到個run down 已經覺得有唔妥,不過諗住嘅係安排市民嘅作戰方案。不過細心思考,原來係佢哋班仆街「踢散」集會嘅計劃。因為根本好多市民唔會知搞乜,然後覺得無意思就走人,正好體現佢哋班人「騎劫不成就踢散」嘅手段!剩低落嚟無離開嘅人,睇怕大多數都係佢哋自己人,咁就可以玩「一屋七姓十三人」,跟住就拎個結果出嚟,騎劫完個場再騎劫埋個後續;更是在「爆seed」反搶咪時講到明「呢個係群眾嘅集體決定」,即係用咗「農村包圍城市」嘅手段,想連工會已有嘅留守安排都想踢散。左膠以外,邊個最希望出現呢個結果?咪就只得中國共產黨。

所以,「左膠根本就係共產黨共犯」呢個推論,响呢件事引證出嚟係絕對成立

呢班左膠、甚至「無人講嘅舊Terms – 社運資本家」根本唔係真心去處理每個社會議題,只係貪圖响「出事的一刻」响鏡頭前曝光「我哋有做過嘢架」去提升個人名氣,所謂Public Interest根本只視為個人上位籌碼,望住利東街、中環天星、皇后、順寧道…… 戰績或說明了一些情況。今次更過份的是佢哋連HKTV身為主人家都唔尊重,反映住為求自己個人利益不擇手段到令人髮指的地步。有HKTV嘅員工表示,在18:00 後已感到被騎劫而沮喪想撤退,幸好最後都堅持落去。或者有員工早知班社運資本家嘅「戰績」而給同事們作治療,先捱得過呢一關。

 

左膠騎劫天仙局

 

由此可見,左膠 / 社運資本家根本係一堆有破壞無建設嘅仆街冚家鏟。相信未來會有更多嘅社會事件發生,而呢班仆街只會繼續死心不息地想去騎劫、或騎劫不成踢散嘅打算。但亦既然最希望出現呢啲啲結果嘅係共產黨,所以大家以後唔駛對佢哋客氣。我就講明,視佢哋係土共看待!

 

還有的,工會已表明無進行任何籌款活動

左膠騎劫天仙局

 

邊位有响呢個箱入過錢落去可以去報警

左膠騎劫天仙局

 



原文連結