2014-05-21

【輔仁媒體】莎比亞:【短篇小說】「慳家嘅男人真係好Cheap 囉」 (1714)

蛋撻

「我覺得慳家嘅男人真係好Cheap囉!幾蚊都同人計住晒!」

這是原句的語氣,一個Lunch Time後,女同事 Lolita一邊走進辦公室,一邊高聲抱怨。

這句Statement實在弔詭,於是細查一下,即是翻到她的Facebook,很方便。
看到她upload了一張頗具意境的相片,一個蛋撻被扔在垃圾桶,碎了,再加一句Caption:「少少錢,我豪比你,但我掉咗佢都唔食囉!」

看後,跟大家一樣一頭霧水,單憑零碎的證據實在拼湊不出當中情節,
找不到誰令她如此氣憤,於是在Comment裡試找提示。

「唔好嬲啦,搵日同你去半島High Tea」
「做乜咁嬲啊?」
「喂,收工去銅鑼灣Shopping丫,我識人喺Jackwills做,有discount!」
「咁曬野架你!」
「哼,收工我就去買一打Macaron黎洩憤!」
「其實發生咩事?」

慾拒還迎下,她把事情打出,原來她叫了另一位男同事買了一個蛋撻,
那位同事問她收取$3.5,她說沒有散銀,但他仍然堅持:「咁你聽日俾番我啦。」

大概有幾分姿色的她認為全世界的男性也是狗公,全都伸著舌頭,圍著她轉,以她為先,當她跑腿,任勞任怨是合情,替她買東西,不收分毫是合理。

但重點不在此,在於那位「慳家男」。

也許有人會說幾蚊都同人計,其實真係有啲唔夠大方啦!事實如此,如果我不是知道他隱藏背後的包袱,大概我也會被主流的價值觀潛移默化。

「慳家男」名叫Steven,得來此花名是因為他總不會跟大隊食lunch,
而到樓下的面包店,買兩個大麥包充飢,有次我忍不住問他:「咁大個男人,食兩個包夠飽咩?」他笑了笑,答我:「唔夠咪飲多兩杯水囉!」轉身走前,再補多句:「依家每餐都係$9,慳番好多!」

這次荼水間的閒談後,我們打開了話匣子。及後幾天的Lunch time,糧尾的我也跟他一起咬著大麥包,聽他細說慳家的原因。

「其實都唔係咩大事,我老豆早幾年驗到有Cancer,已經幾嚴重,同啲親戚籌咗好多錢醫病,但最後都係過咗身,到差唔多還番晒啲錢俾人,依家又到啊媽有事。」

聽後,我晴天霹靂,以為這種連環不幸事件只會出現在TVB劇集,
但當主角跳到我面前,感覺是多唏噓,但Steven也許接受了,嘆一口氣,又若無其事繼續咬一口包。

「同埋我想快啲草多啲錢,同我女朋友結婚。」

他再說:「依家最大既娛樂就係睇住戶口啲數字一啲一啲咁升,令家人、女朋友幸福生活,幾辛苦都值,食少啲算得啲咩丫!」

大概成熟的男人就是這樣子,自信不再建立於外表,絕不是一套名牌西裝,一枚名錶,或一對貴價皮鞋,而是由家人的安心生活,女朋友的安全感、對將來的精打細算堆砌而成。來得穩重又實在。

他不及Brad Pitt有型,不像吳彥祖般靚仔,但我相信Steven這種面包超人也會是另一種Dream man。

希望把每分血汗都花在至親上的他,問Lolita取回那$3.5才實屬合情合理吧?

話說回頭,「慳家嘅男人真係好Cheap囉」這句Statement弔詭之處,在於我一直以為「慳家」是一個褒詞,等同節儉,而不是等於Cheap。要避免用詞不當,或許,Lolita可以考慮選用「吝嗇」,但是,對她吝嗇,也會是一種美德。



原文連結