2014-06-28

【輔仁媒體】威廉軒:為何港共政府總要讓我們懷念英國? (738)

筆者之前參加過一個PROJECT,有幸可以訪問前公務員S女士,原本我地一組人都係訪問下佢成長環境,工作趣事等,我突然靈機一觸,問咗S女士:「係呢,S女士,你以前要唔要去立法局/立法會開會架?」之後,健談的S女士就同我地傾下政治,當中,佢同我地講:「我認為在英國政府管治之下,是最好的和發展得最快的,有些人不喜歡聽這些話,但這些話都是事實。」佢繼而解釋,以前的港督不是政客,係去到後期先用半政客,彭督係全政客,以前的港督真係為香港好,英國人對殖民地的管治,係有巨獨特發展,係幫殖民地發展。

事實上,主權移交咗咁十幾年,大陸雖然唔派京官落嚟直接治港,但同北京治港相差無幾,只係由N咁多個共狗去治港,去幫北京治港。佢地有咩一個係想為發展香港,定係想做低香港呢?母語教育做低細路語文能力、中藥港,數碼港玩殘咗大學生前途、自遊行令到香港經濟進一步受控制、一個個政策都成為財團的提款機,香港的物價有升無跌……

Sherman Wong 攝

Sherman Wong 攝

今晚(27/6)零票當選的吳亮星,自比皇帝,視議事規則、議員如無物,強行、夾硬、霸王硬上弓去通過東北撥款計劃,有佢講無人講,議員唔返埋位投票都投得票,破壞了立法機關的權力。

每一樣英國所留給香港的遺物,每一樣都已經成了頹門敗瓦,海港、三權分立、郊野公園、廉政公署、言論自由,每一樣嘢都已經變成了一堆垃圾。

英國為香港發展,但香港則為「香港」破壞。

今晚,吳亮星用46條去俾所有議員一分鐘時間,「去問政府問題」,大部分泛民議員都有發言,佢地的發言都可以用「今日你地(政府,保皇黨)贏咗呢場仗,但你地日後要付出得更多」來總結。

無錯,政府日後再問立法會攞錢時,泛民好大機會視每次申請為戰場;政府民望繼續插水,七一時會有更多人叫689落台。但係香港再係共產黨管治下,「一国兩制」之下,根本只得死路一條,只可以等待油盡燈枯、灰飛煙滅的一刻。政府連最唔關心政治,只關心財爺有冇稅退的中產都可以出嚟反國教,反政府的時候,我永遠懷念英國人統治香港的時光。



原文連結