2014-07-05

【輔仁媒體】威廉軒:梁宅家事:寧俾人知,莫俾人見 (1351)

梁振英

一個國家元首或者政府首腦的家庭,多數會叫做「第一家庭」,咁香港行政首長的家庭,可能會係叫「特首太太的家人」,亦可以話「香港第一家庭」。

我地一般人會期望第一家庭會係融融洽洽的,新年咪出嚟拍下片,第一夫人係廚房整緊嘢食,個特首去偷食,然後第一夫人發現就拍下佢個頭;第一夫人得閒就跟下老公去出訪外地,讚下自己個老公似都教授;再唔係佢可能都會出嚟關社會,好似美帝第一夫人咁,去拍片要求尼日利亞的恐怖份子,釋放求學女生,令社會各界去關心特別的議題。你話第一夫人唔識做呢D嘢都唔緊要的,但至少佢出嚟係大方得體,感覺佢係配得起「第一」的頭銜,而唔係出到嚟俾人話係一隻癲雞乸,似一個潑婦,多過似「第一夫人」。

係香港,第一夫人,佢好少會去處理社會議題,多數都係做下D會長咁,例如曾太就做過香港愛護動物協會會長、香港女童軍總會會長、香港公益金會長、紅十字會會長。董太係教你「洗手、洗手、洗手」;曾太多數都係隆重場合先會孖住曾蔭權出現;但係6太就相反,佢老公689未上台已經爆出6太密會四太,同四太一齊去觀音廟拜神,之後再俾人改圖,將6太變做乜太,真係無眼睇;繼而再爆出6太冇得做紅十字會會長,由楊鐵樑爵士繼任會長一職,再被爆佢個英文名係「Higgins Regina Ching Ye」,成功入籍英國,之後再被人笑佢著黑衫、戴黑超,黑住面去見温總,毫無大方得體。形象根本唔配有「第一夫人」的頭銜。

自從689個女出現疑似自殘照,繼而再俾個女寸6太人前人後兩個樣之後,時事評論員蔡子強在《明報》撰文談及此事,6太出嚟向傳媒講希望傳媒高抬貴手,俾D空間佢全家,之後再鬧蔡子強係「冷血」、「淺薄」、「無知」、「涼薄」。

即係咁,6太原本已經俾個女爆出佢狼母的一面,已經係一件家醜,本應不應該再自掘出嚟再談,主動封口,讓時間淡化,已經係一個不錯的回應,正如美國第一家庭被爆出,夫人米歇爾會係奧巴馬總統任期完成之後,正式離婚,白宮都唔回應,而加有冇繼續俾人繼續講呢?
家醜傳開,出面已經傳緊你屋企有問題,已經夠羞家,應該要好好反省下,而唔係鬧番人轉頭,點知你今日出嚟回應,走去鬧人,即係俾人見哂你有問題,表露無遺,搵幾多公關出嚟補飛都無用啦。同潑婦罵街一樣,連我媽睇完新聞都只係狂笑,多過鬧蔡子強。有D嘢真係寧俾人知,莫俾人見。
「恕我直言,唐青儀這些行為,不單只顯露出她的淺薄、無知,而且冷血、涼薄。當我知道唐青儀原來是一位第一夫人時,我不禁倒抽一口涼氣,我實在為「第一家庭」,有一位咁樣既所謂第一夫人覺得擔憂。」



原文連結