2014-07-15

【輔仁媒體】沾屎:60後看學民仔放榜 (2103)

(轉載請標明 Manson Wong @USP)

(轉載請標明 Manson Wong @USP)

DSE放榜日,近年於政壇上舉足輕重、同時又身兼社會原罪90後的學民仔自然成為傳媒焦點。身邊有位60後長輩向來看學民仔不順眼,因此對學民仔首領黃之鋒放榜,他比自己仔女放榜更緊張。由於之鋒一早表示,下午才會開記者會公布成績,因此在早上時,這位60後當時未知他的成績,怕之後柒了,亦不敢對此亂作猜測。但對開記者會這個舉動,他還是大肆批評一番:「呢條仆街仔當自己邊個呀,要開記者會嚟交代,放榜都不忘幫自己宣傳。」我是不知之鋒當自己邊個,但觀乎眼前這位阿叔亦這麼在意他的成績,再者之鋒亦表明了有五十多名記者在他學校門外等。我當時心想,開記者會真的有問題嗎?

學民另一員猛將周庭BB比之鋒早公布DSE戰果,當中英文特別好,亦乎合入大學分數,60後知道後嗤之以鼻:「一早話咗呢班友有外國勢力操控架啦,英文叻有咩奇。英文咁叻不如去美國佬啲大學受訓,順便媾下鬼佬啦。」只因政見不同,就連小妹考獲佳績,也要格硬作一些弱智陰謀論去醜化別人。我想60後此刻是亂了方守,他應該怕如黃之鋒和周庭一樣考得不錯的話,他一早準備好的那套「有書唔讀,學人搞社運,而家書都讀唔成啦」的理論,將不能大派用場。當然,他又可能準備了另一套「就算入到好大學,掛住搞事都唔會有公司敢請啦」,又或者是「咁啱畀你做到大學生都無用啦,剩係掛住搞事,浪費晒社會資源」的說法。反正當你要針對一個人,他呼吸都有錯。

好不容易,60後終於等到之鋒開記者會之時。昨晚才買輸了波的他,看記者會直播相當肉緊,好像生怕再落錯了注般。我也懶得跟他說其實之鋒已在facebook說了自己部分成績,怕他會責怪我「劇透」。當電視上,之鋒說他將報讀城大副學士時,他興奮得像看到愛隊入波一般,也懶理之鋒中文和通識成績優異,大叫道:「係你哋啲人先會捧到呢條仆街仔天咁高,一早讀好啲書咪唔使讀副學士囉。都叫咗佢哋毛都未出齊,就唔好學人反政府架啦。」我按捺不住:「你咁開心做咩?一次公開試未盡如人意,咁又點?佢唔同你呀,佢仲有大把青春。你喺佢咁大果陣,請問你為為社會做過乜撚嘢咁巴閉,好過你口中呢位仆街仔呢?」60後想不到我會反問他,頓時呆了一會,接下來便用回一貫老屎忽口吻:「屌,我哋果陣要搵食補幫屋企架,邊有你哋咁得閒出嚟反乜反物呀……」接著,便倖倖然行開。

看着這位60後的背影,我看不透。明明他又不是權貴,又不是制度下的得益人。但為何總愛扮既得利益者,攻擊社會上勇於發聲的新一代呢?他是真心痛恨這班小將搞事,還是從他們身上看到了自己的失敗呢?我不知道,我想大慨他自己也不知道。



原文連結