2014-10-30

【熱血時報】姐死姐還在:如果削自由行係小懲大戒,唔該畀個滿清十大酷刑我 哋 (3499)



今日我哋個個都係《唐伯虎點秋香》入面個石榴,齊齊高呼「嚟啦,求吓你罰我」。真係第一次喺facebook見到咁多人揭露佢哋潛藏喺內心深處嗰種被虐需要。

因為佔領所以削我哋自由行,真係好一個獎罰分明。

年頭政府咪預測過,到咗2023年,香港每年將有一億遊客來訪,當中大部分係大陸遊客。嘩,我嗰時仲諗緊香港會唔會早過馬爾代夫陸沉,而家真係放下心頭大石啦。

聽到呢個好消息,我想「熱烈哋彈琴熱烈哋唱」:
容祖兒嘅「喜歡你讓我下沉 喜歡你讓我哭 能持續獲得糟蹋亦滿足...」
仲有GIGI嘅「盡情愚弄我吧...」

好想問10月1日冇放嗰個煙花,而家補返放,配合歌舞,慶祝削自由行。

有冇得好似食自助火鍋咁,Ctrl A 晒張火鍋配料紙,同我select all以下懲罰…

• 唔畀你哋七一放煙花慶祝回歸
• 解散香港解放軍,畀你哋冇得參觀軍營,同睇解放軍摺被
• 執咗亞洲亞洲佢,等你班友冇得一日睇四次恩雨之聲
• 唔畀你哋睇春晚,睇吓你哋過年係唔係要數腳毛解悶
• 唔畀你哋普教中,等你班香港人個個淨係識講廣東話
• 運返安安佳佳,盈盈樂樂上大陸,等你班友仔冇得入海洋公園睇佢哋交配

PS. 正如我一位朋友仔講:真係好同情啲大陸人後天弱智,先天好哋哋,成長期間都唔知係咪受到黑心食物感染,愈大愈無腦,講嘢無邏輯。罰我哋削自由你都諗到,真係好想兜口兜面讚出橋嗰條友叻仔。

再PS. 可唔可以明日一踏入12點就削呀,心急人上。

(唐伯虎點秋香截圖)



原文連結