2014-10-16

【主場博客】莊曉陽:【佔領】因遮打運動而改變的十個諗法 (7221)

IMG_0928

一. 原來佔中唔係得個講字,而喺堅發生緊

二. 原來香港人喺好叉鍾意返工,平日好想打八號波果啲,返唔到工喺會喊!

三.  原來可以由太古廣場,直接剷馬路去政府總部係好快,而家好唔慣有車的金鐘道

四. 原來跑步返工,係快過正常時間搭車

五. 原來封兩個禮拜路,太陽還是依舊升起,香港還是正常地運作。以前話封路好X大鑊果啲,其實只喺一直耍你

六. 原來好多香港後生仔女,喺願意為爭取民主被捕坐監

七. 原來香港的學生哥同學生妹喺全世界最善良,藝術才華唔輸畀國際級藝術家,佢哋將美麗的天堂帶到香港的人間

八. 以前真喺唔覺,港女又靚又堅強又捱得,而家連流汗和曬黑都唔怕

九. 原來香港會爭民主的人就喺得咁多,要出來的人,都已經出晒嚟了,呢鋪唔出來的,以後都唔駛期望佢會出來砌。

十. 原來身邊好多接受高等教育、貌似正常的人,內心其實響往伊斯蘭國式的秩序,因為佢地深信示威就預咗被非禮,偷野就預咗要被斬手,就算六四式的武力鎮壓都冇問題,鬼叫「撩人者賤」咩,唔抵可憐!



原文連結