2015-05-21

【熱血時報】Alex:老師問我咩國籍,我頭也不回答「香港!」 (7466)



話說我有一科必修科叫「國際市民」,要喺不同議題入面揀一個議題去修,咁我就揀咗「國際化」呢個大路到不行嘅議題嚟修。今堂討論國籍呢個對我嚟講非常敏感嘅話題,首先要三個人分成一組,然後討論有關如何界定一個人係咩國籍。

例如一個韓國人,佢擁有永住權,識講日文,咁佢算唔算一個日本人?因為我喺留學生之間比較異類,我基本上唔會同留學生坐得太近,就算分組我都係同日本人一組居多,所以經常都被老師問我意見。今堂,老師行埋嚟問我係咩國籍,我頭也不回就答佢「香港!」,之後佢就問:「香港咁國籍上面係咪算中國?」之後我就答香港喺出入境上面應該算係獨立地區,唔屬於中國吧?如果你致要套一個國籍落去的話,我嘅國籍係英國海外(BNO)。

之後,佢再問我點去界定一個人係咩國籍,我就答最基本係靠護照。答完佢再問,如果佢移民咗或者好似我咁,點解97主權移交咗都唔承認自己係中國人。我就話呢個係個人身分認同問題,我由始至終都唔承認中國嘅制度、社會文化等等,我甚至唔想去融入佢哋,所以就算係法律上香港主權已經移交畀中國,我都唔會承認自己係中國人或者中國籍。

事實上香港人無持有中國護照,喺國籍上亦談不上係中國籍,所以你問我國籍,我首先會答香港,如果你唔認為香港係一個國籍,我就會答我係英國海外。

(作者為本台節目《腐女民主連線》主持,現於日本留學)


原文連結



1 comment:

Anonymous said...

你咩都唔係囉,難民。