2015-06-11

【輔仁媒體】Grace:「可以儲首期買青衣城了!!!」 (2942)

(photo via cc Flickr user Bowy Gavid Bowie Chan)

(photo via cc Flickr user Bowy Gavid Bowie Chan)

有人話,香港人聽到MERS疑似襲港都只係顧住個市,真係冇得救、this city is fucking dead、好可悲、好絕望。其實最可悲嘅唔係大家聽到疑似MERS個案後猛嗌興奮猛話要買樓就快手,而係我一碌個fb,都幾肯定話要買樓嘅人十個有九個其實都買唔到樓,只係得把口。

正正因為對買樓早已絕望,所以先齊齊「肆無忌憚」咁話多謝韓國多謝MERS。就算樓價跌,啲樓都唔到香港人買咖,你知咖。你有錢咩?你出嘅價夠人高咩?要不是中國人來買樓,我們香港的樓誰來買?全部空宅好恐怖咖~

「我從來都冇諗過要買樓,我唔會花時間追求永遠都不可觸及嘅嘢。」

「我都係咁話。」

「可能我三十幾歲就死咗呢,真係唔好浪費生命追求呢啲嘢。有少少錢我食咗佢好過啦。」

「我都係咁話!」

呢個先係我哋呢一代人嘅悲哀。悲哀嘅唔係我哋嘅價值觀看樓市比健康重要,而係我哋根本係一無所有——樓又買唔到,怕疫症怕外敵入侵嘅想走又走唔到。我哋乜都冇,就係死淨把口坐喺度等死。係望住香港死然係我哋變到好似二等公民甚或賤民咁等死。

我哋呢代廢青,個個成三張嘢都買唔到樓。除咗得閒自嘲下同鳩噏笑下人,仲可以做啲咩?

我哋想爭取個適合港人居住嘅社會咖。我哋radical就係從社會問題嘅root入手咖。("root"亦係"radical"呢隻字嘅字根,好似係。)丫但係咁樣奮鬥咁樣抗爭又係俾人話廢青~咁唔係更令人無奈同絕望咩?

則留言



原文連結