2015-07-14

【熱血時報】林非:香港政府,憚中共而賴一人,醜乎? (1993)

成個政府咁撚大,成十幾萬人,將啟晴邨單嘢賴落一個水喉佬到,知唔知醜嫁!開記者會班高官,個個坐埋最少十幾萬一個月,將啲責任卸晒落一個人身上?痴撚咗線? 

就算個水喉佬有做錯,都應該係追究返間公司,何況而家水喉佬已經出咗黎澄清:屌你老母,係啲預製組件出事呀仆街! 

啲預製組件邊個造?成個工程係邊個負責?中國建築。 

咪又係中國嘢!咪又係大陸嘢! 

大陸社會係點?做生意唔係講質素,係講關係,唔係講誠信,係講政治背景。夠惡就做乜都得,都「有人保」。你敢講呢個唔係大陸社會嘅遊戲規則?你夠膽出黎鬧啲人鬧中國建築係「以偏概全」?你試下同啲鉛水受害者講係個別例子?不知所謂之極。 

根本呢件事,同政權移交後種種荒謬事惡毒事一樣,源頭係乜嘢大家好清楚,仲記唔記得中石化石油氣事件?最後又係不了了之!今次成個政府咁撚大,提中國建築不忘帶挈個水喉佬呀,客觀效果係乜?咪就係轉移視線囉。 

香港搞到今時今日咁,大中華嘅幽靈絕對係禍首之一。講過五萬次大陸社會點樣由制度導致風氣敗壞,你唔做壞人就無得撈被人搞含冤莫白,都仲有一大堆左聖、哲棍撲出黎搖頭擺腦同你拗應該叫「民族性」定係「文化特質」,簡直係一群置香港水深火熱於不顧嘅垃圾。仲要到今時今日都仲不停講咩叫以偏概全,叫大家要懶係點客觀點理性,根本就算用經濟學概念都好易理解:國企有政府有形之手干預,效率同質素一定低,而且唔係一個自由市場。 

啟晴邨班村民點諗?咪就係諗緊被你班搖頭擺腦為大陸吶喊助威嘅人真係害撚死佢哋囉!諗!

(原文刊於作者面書,承蒙答允予以轉載)

(圖片來源:中國建築國際網頁截圖)



原文連結