2015-07-13

【輔仁媒體】莎比亞:如果妳素顏,我會仲鐘意妳 (3728)

COSPLAY 女

見面的開場白總是:「今日又著得咁靚既?」

而她總笑說:「見你呀嘛!唔著靚啲點得呀!」

一直都是我怕襯不起她,但在她眼內,卻是她怕失禮我,

走在我身旁的她愈來愈漂亮。

「咁你鐘唔鍾意先?」她問。

「緊係鐘意喇,點會有男朋友唔喜歡女朋友悉心打扮?」

跟她以前的照片對比一下,她現在換上了隱形眼鏡,淡妝只塗了少許口紅,會穿短裙子也愛上穿高跟鞋。

不得不自豪,怎麼自己的女朋友那麼奪目?

她:「係咪真話黎架…你驚我嬲啫!」
我:「身體好誠實!妳睇下條街有咁多女仔,但我都淨係望住妳就知喇!」
她:「你無望,咁你又知有好多女仔!?」
我:「呃……見到個影啫……」

日子久了,我漸漸不想她再為了我去打扮。

自從有次清早的約會,我們約了去離島玩,見她一臉倦容,問她幾點起身。

她說:「六點幾就起咗喇!」

我有點驚訝不明白,比我早一個多小時,為什麼!?

她再說:「差唔多喇,洗頭、沖涼、襯衫、吹頭、化妝、夾頭髮……」

那一刻,我知道,原來女孩子打造最美一面的背後,其實花上很多時間、心機。

而且也很辛苦,例如戴隱形眼鏡太久眼會很乾很澀,我也總覺得「大眼仔」對眼球不好……妳不如間中也戴眼鏡吧?我覺得妳那副眼鏡也很好看呀。

不夠訓的日子,她怕太殘,也不想臉上那幾粒小暗瘡給我看到,於是塗上粉底加遮瑕膏再補碎粉……其實我怎會介意?我寧願妳睡多一會兒,也讓皮膚休息一下吧!

冬天穿裙子有時也很冷……那穿褲子吧,然後配上這對Air Force 1,會舒服得多。

她:「但係著高踭鞋對腳瘦啲喎……」
我:「試下先喇,仲可以同我情侶裝。」
她:「我著得好睇咩?」
我:「靚呀,我覺得靚!一於買喇!唔該!要對女裝37號,呃都係大多半個碼,咁妳冬天可以著厚襪。」

妳悉心打扮後的確很美,但自自然然的妳其實更吸引。

我只想妳跟我在一起時能當回自已,簡單自在,Raw一點。

她:「即係點呀?」
我:「即係唔好再戴大眼仔,著T恤牛仔褲波鞋,加埋素顏就perfect!」
她:「咁咪變師奶……」
我:「最多我都唔Gel頭,陪埋妳戴眼鏡喇!」
她:「你會唔會唔想拖我架……」
我:「點會,抱起妳都仲得呀。」

在我們的二人世界裡,不需要多餘的修飾,已經很快樂。

素顏,就好了。

本文收錄於 莎比亞 書展新書《鬼叫我唔識拍拖》

Page內有出書詳情及送書活動,查閱請在FB search「莎比亞」。

則留言



原文連結