2016-03-09

【輔仁媒體】君萃:所謂既BAND1 EMI 中學就係一班臭閪扮教育 (1966)

St. Paul's Secondary School.JPG
Exploringlife自己的作品創用CC 姓名標示-相同方式分享 4.0
(中學示意圖,並非一定係文中學校)

今日同朋友講起以前中學啲教畜,其實諗返轉頭好多以前中學面對嘅嘢,點解自己咁樣都可以死唔去。如果你要話:下,咁耐之前嘅中學事你仲拎出嚟講,Get a life 啦。

係呀,屌你老母,我就係咁撚記仇。講真呢啲咁「難忘」嘅事,就算我而家幾有Life 都唔會唔記得。(利申,讀緊歐洲一間有名嘅大學,有工,有仔)而家我有Life 啦仆街,我而家有資格屌下你老母啦?

___

喺腦海第一樣想寫嘅,應該就係Temp Record Form。2003年沙士之後基本上每一間學校都會有嘅所謂Public Health 措施,大意就係叫你老豆老母幫你度體溫簽個名比你返學比老師睇你有做到。呢張咁嘅戇鳩form就由我小三陪到中六。

細個小三啱啱完SARS返學,老母都應該真係有度體溫先比我返,屌,都正常嘅,咁沙士啱啱先完呀嗎,緊張少少係正常。之但係幾年後到咗中學,就撚有老豆老母咁晨心幫你度體溫咩?我老母做生意,唔係跟打工仔朝九晚六時間表,邊撚有咁早起身,我都廢事晨早流流六點煩鳩佢要簽名啦~

不過我都係到高中先自己簽體溫表,屌,我真係好撚honest架,到高中先自己簽。不過呢個世界唔撚係有簽就得。初期學校都只係就咁帶張form返去,簽咗show咗就得,屌你,去到後期,一定要你張form 釘喺本手冊度先可以有效,如果你有form冇手冊都會比人罰企,所以如果你放學返到屋企,發現自己無帶本手冊返屋企(in which都成日發生,我本手冊有春用?),你已經知道你自己第二朝會GG。所以我返學大約流程係咁:

夜晚知道自己唔記得帶手冊——>已經知道第二朝將會比人收皮。

返到學校門口你就見到三個老師企喺入口,個個都係未撚訓醒咁嘅樣。你已經解釋都廢撚事,直接話自己冇手冊有form,行去校工嗰邊幫你量體溫。之後量完無事(屌,有病仲返嚟托柒?比你班撚樣屌?),就要企埋一邊等,罰企,等到返學人流無咁多,(全世界返學嘅同學都會經過見到你,都會知你無帶一張戇鳩form。)之後就會由其中一位當值嘅老師/訓導嚟屌鳩你。如果係男人當值都由自何,多數佢地都會好鬆手;但係你見到個閪面訓導,你就真係寧願跪地含撚~又或者係,你唔可以話佢為閪面,因為有啲人個閪係幾靚見到你會想屌,但係呢啲臭閪真係見到都扯都扯唔起。

「君萃,又係你?」
「係呀,我又唔記得帶手冊。」
「休高你對襪同紮好你啲頭髮先唔該!」(癡撚線日日咁大聲咁叫,會唔會自己令到自己職業性失聰?)
(整理頭髮)
「點解你唔記得帶手冊返屋企?」
「因為唔記得。」
「點解唔記得?」
「…」

(Loop x 1000)

(咩叫點解唔記得帶?癡撚線唔撚記得咪唔撚記得,記得仲洗企喺度?)

總之呢個時候你就要作到係因為你自己嘅大意/唔上心,所以唔記得。

「對唔住,因為我唔上心,琴晚冇pack到本手冊落背囊先走,所以帶唔到本手冊返嚟。」

如果你作唔到一個原因,佢就會去整治下一個同學先,到時你就等到2046都未可以走,而校巴送一批批同學入嚟,個個都望住你條戇鳩企喺度等比人屌…

_

Back to point zero,Temp Record Form 都係一個公共衛生嘅policy之一。即係話呢樣policy嘅原意係為咗保障學生同教職員健康,唔好等啲流感菌喺學校群P雜交。由我老母嘅惰性,又或者係我嗰啲成個月嘅體溫都係36.2 度嘅同學嘅體溫表中已經可以得知,呢個咁嘅Policy 根本就係戇鳩——因為根本會無人認真做,而好多學校都係是但hea做。(係呀BAND1英中,得你先咁有心機做架渣,間間學校都係叫啲學生月尾鳩填架渣)

好,你想比心機做好public health policy都唔係問題,屌你,裝部紅外線體溫監測機咪一了百了囉,一定無人可以做假扮無事返學,但係你又偏偏要成間學校同你做台戲,將一件原本係Public Health 嘅措施變成只係為咗Discipline嘅手段。如果只係為咗人量體溫,咁要將form一定喺本手冊係乜解?我有度的話都因為無本手冊而個result變得唔再有效。屌,你唔係只係想我度個體溫,証明我未燒到弱智咩渣咩?做乜又屌鳩我唔帶手冊?

之後仲未計要罰企所受到嘅奇異目光+仲未計每日叫三個老師+校工sss七點鐘企喺度幫你睇體溫表同度體溫有幾咁浪費人力資源~

所以去到中六我好唔鐘意呢啲戇鳩health policy,同一班朋友搞咗簽名運動,支持廢除temp record form——買紅外線機度體溫同低過某個度數比著街褸。

結果比家長會啲人話紅外線度體溫機有輻射以唔買得~~~~~

哈哈哈哈哈哈哈~~所謂嘅BAND 1 EMI 又真係聽~~屌~~我喺度讀得書耐未死我都懷疑自己係中咗輻射:基因突變令我頂得順班教畜同家長~~~



原文連結