2016-05-23

【輔仁媒體】柒到盡頭便是型:以「口賤」程度,分辨朋友與好朋友 (6113)

女 AV

友人:「呢個世界真係好細」
我:「有冇你對波咁細?LOL」

以上係我同一位好朋友(好似係)嘅對話

何謂「口賤」?其實冇一個好明確嘅標準,不過可以概括為mean、口沒遮攔,但冇攻擊嘅意圖,純粹開個玩笑。

係某啲人心目中,「口賤」係一件好冇品、傷人、冇教養嘅行為。如果閣下認同的話,可見你嘅底線都幾高。我會建議你千其唔好睇落去,一間去教會到搵D 耶撚做朋友,因為佢地底線都幾高,可以導你向善,莫講話口賤,講句粗口都會打冷震。

但係我認為口賤程度能夠反映出同朋友之間嘅關係。
如果你冇「口賤」過你好朋友,你根本冇當過佢係你好朋友。
如果你好朋友冇「口賤」過你,佢都冇當過佢係你好朋友

當你向一位朋友發動「口賤」攻勢,代表住你真心當佢係好朋友。因為你知道佢會明白你只係講個笑,切勿認真Just for fun。假若佢只係回覆「哈哈」兩個字,你地之間只不過係朋友關係。如果佢反攻你的話,你地應該係好朋友、好兄弟。假若佢因為咁而嬲左你,你地連hi bye friend 都不如。

如果連講個笑都嬲鳩嘅話,大家仲有D咩野可以講?傾下南北韓局勢持續緊張,人民幣暫時回穩,抑或中國主權爭議?咪撚玩啦伍寶!如果乜鳩野都要認真討論,我使乜同你講,我同我老母講都得啦!

我好期待我個位好朋友(好似係)嘅回應
我估佢嘅回覆「你又知?!你揸過呀?LOL」又或者「細得過你?!」。

點知佢嘅回應係 「你係咪想連朋友都冇得做?」
呢一刻,我真係睇唔透

我講左啲乜?自己參透下…



原文連結