2016-05-21

【輔仁媒體】鵝鑾鼻燈塔:城大天花倒塌?好大官威既校監好似做測量架啵? (1204)

城大天花倒塌,據報三人受傷。有學生直指工程疑似豆腐渣。

事件剛好在張德江訪港後一日即告發生,整件事相當耐人尋味。尤其是在張委員長訓示一眾權貴及社會名流時,就曾明確指出:

「拋棄了基本法和一國兩制,香港必爛無疑!」「香港亂,大家跟着一起埋單!」「什麼自決、港獨,根本成不了事。」想不到言猶在耳,城大的天花竟如斯不長進,率先響應張委員長的呼籲,自己先行潰爛。有內幕權威人士向本台指出,的而且確,在張委員長訪問期間,四處封路,水馬,警察治港,處處皆荷槍實彈,官威之大,響徹四方,有一兩個天台倒塌甚麼的,實在不出為奇。但畢竟「豆腐渣」一詞,十分敏感,最近四川地震款項不翼而飛之事,還在不踁而走,消息一傳出,無疑會特府面目無光。

13238975_10153718295387098_6261309056782447674_n

另一方面,說回現實,近年香港建築工程多,質素似乎良莠不齊,不論大小,施工期間出現亂子,多不勝數。未知是次意外,為哪一間承辦商負責?會否又一次和信譽良好、品質可靠的強國公司有關?倒塌的技術原因又是甚麼?是計算出現錯誤(如是否和坊間傳言,草坪吸收雨水後超重?),還是施工期間有所紕漏?要是在張委員長訪問期間,突然發生如此不愉快事件,應該會很大罪吧。三司十四局包括六八九及龍蝦,已顯得相當的奴才相,難保不因此而滿門抄家,嚇得屁滾尿流。這可不是鬧著玩的。隨時會被定性為恐怖襲擊。

而再穿鑿下去,大家又會開始聯想,誰曾經擔任過城大校董會主席?是否某個出名的測量/建築界人士?當時的主席,有否曾對相關的工程,作出審議?且看看傳媒要以何手法報導此新聞,將會相當有趣。

緊急諮詢「m群工程委員會」(化名)之後,對意外有以下既睇法,僅供參考之用。工程人士適宜再補上專業意見。

今次出現問題,有兩個可能(除左張德江同六八九之外):

(1)原圖無問題,條數無計錯,加建都無問題。因為依家只係個天花(Roof)出事,成棟樓無事。如果RSE(Register Structure Engineer,即係入則負責簽名條友)當初諗到一個辦法,將新既負重(Loading) ,「直接咁」傳番去主力結構柱(Column),就應該無事。但要留意既係,如果唔係直接,而係簡接傳力,就可能會出現問題。

(2)新設計出錯,直接搞到個天花頂唔順負荷。就算假設本來D力係可以由主力結構承擔,但係因為新設計有問題,令到D力去番個天花頂度,天花頂於是就成個被個新設計拖垮。權威既工程人士認為,睇今次天花頂咁樣大塊咁跌落黎,呢個機會幾大,比(1)可能性高。

另外,權威工程人士甚至已經預言,好快傳媒會搵專業人士出黎,為意外淡化事件。因為根據原則,個場館中間無其他承托,就靠晒天花既鋼架(Space truss,又稱三角朱古力)。果D解畫人士有可能會出黎話,係因為排三角朱古力,金屬疲勞導致意外,係自然現象。

但權威人士強調聽到呢個講法,要極度小心,因為呢個問題仲可以追究落去:呢個金屬疲勞,係自然,定係人為?會唔會因為新設計關係,而加快?例如天台有水,有草,曬下又要乾下濕下,重左有咩出奇。



原文連結