2016-06-28

【輔仁媒體】達時製作 (On Time Production):Come on 香港人,可唔可以誠實啲? (1131)

吳克儉

琴日嘅大新聞係咩?就係吳克儉老婆死撚左。然後,網上就一堆混戰——有人話吳克儉抵死,跟住另一批人反駁,話大家點解要咁樣攻擊政敵,呼籲大家緊守「禍不及妻兒」嘅道德倫理。

問題黎啦,呢個係咩嘅道德倫理?

人死撚左,係無感覺架

首先,而家唔係任何一個反對派,搞咩暗殺行動,殺死左吳太。吳克儉老婆嘅死,絕對唔係鬧佢老公嘅人之責任。

跟住有堆人就話:「人都死左啦,點解你地唔可以積下口德?」

問題係,人都死左,你就算點鬧個死者,個死者都唔會聽到,所以根本唔會對死者有任何生理或心理嘅傷害。

要搞清楚,而家啲人鬧或者詛咒,係純粹令人見人厭嘅吳克儉難受。呢個亦都係市民對付吳克儉嘅其中一種最廉價,但尚算高效嘅抗議手法(如果吳克儉真係愛佢老婆嘅話),用黎表達我地嘅不滿。

香港人,別再虛偽吧

點解中共、港共政府可以越黎越肆無忌憚去欺負香港人?就係佢地睇穿左你地班香港人鍾意企係道德高地,一切以道德行先,唔敢埋身肉搏。而家都唔係叫你搞咩革命,只係有班人詛咒下吳克儉老婆發泄不滿,等吳克儉難堪下,就有一班「道德塔利班」衝出黎話咁樣做係唔符合道德倫理。

咁樣打仗,當然死撚硬啦。上到戰場,望到對方有老婆、有仔女,就唔敢傷害對方,難道你覺得咁樣做仲會有贏嘅可能?又難道你覺得你善待敵人,敵人就會善待返你?如果吳克儉真係會善待香港人,就唔會咁多香港學生自殺嘅時候,成個教育局都依然on99乜都唔做啦;更加唔會City U冧樓嘅時候,吳克儉嘅第一句話竟然係慨歎自己無得放假啦。

咪咁天真啦,香港人。你既然好憎港共、中共,咁就唔該誠實啲,唔好再咁虛偽,你估打贏一場仗,真係靠道德感召架?



原文連結