2017-02-01

【輔仁媒體】殷琦:其實會講粗口既女仔先至是女神 (1437)

(photo via cc Flickr user Patrick Humphries)

以前母親大人講過一句話,就是「講粗口既人,是因為搵唔到更好既詞彙表達自己。」然後言下之意就是「如果你有足夠詞彙表達自己,根本就唔使講粗口」。但岩岩港大聯同劍橋大學、馬斯特里赫特大學及史丹佛大學進行左一項有關講粗口和誠實程度的心理調查,最新結果發現講粗口愈多的人愈誠實正直。其實事實是大家誤會哂啦,會講粗口既女仔先至是女神。點解咁講呢?

你話我性別定型都是咁話,「講粗口」這回事其實本來算是男性專利。試想想,一個男仔爆粗你會覺得無咩,但一個女仔爆粗就會俾人話爛口。咩道理黎?所以,「講粗口」呢樣野本身就帶有少少「佬味」;而如果女仔有時爆一兩句粗口,就會俾人覺得「佢好man」——少少男仔頭既女仔,先會俾人容易親近既感覺,唔是咩扮野周圍收兵既「娘娘」系列。呢度講緊唔是粗口爛舌,十分流利果種。如果女仔D粗口仲流利過男仔,大概男仔都怕左對方而避之則吉。無乜邊個男仔鐘意對方man過自己的啦。所以呢,唔可以多,是要真是要用果陣先好用。

筆者有一位大學女性朋友,細細粒十分可愛,平時都不會爆粗,但如果真是遇到D好差既事,就會無啦啦嬌喝一聲「妖」或者突然一句「我頂你個肺」,居然迷倒一眾男生,皆因大家覺得佢真性情唔造作,而男生們對住佢亦可以好盡情咁「xxx」同「yyy」。而且男仔天生亦有保護人既傾向,而個女仔是因為被欺負而都忍唔住爆粗喎!男仔即刻萌現呵護對方既慾(肉)望啦!

最後,好明顯既一點是,男仔起自己既gathering裡面一定會有好多粗口,而相信大部分男仔亦都會期望自己起另一半面前可以真性情一D,唔使好造作。所以如果個女仔本身都會講一兩句既話,最起碼佢應該唔會介意自己另一半講粗口。如果對住100%唔講粗口既女仔,男仔亦不自覺要起佢面前戒粗口,咁相處都唔夠爽快啦。

不過講到尾你的樣子如何、你的日子也必如何,如果你真是太樣衰,即使點做都是唔會可愛既…講完(逃跑)…

關於作者:殷琦
殷琦
港大表達藝術治療碩士生、教院音樂教育碩士、港大主修中文中史。一舊蕃薯般的孤獨文青。做YouTuber、專欄作家(稿費...)、鋼琴老師、合唱團、作曲卻不懂用電腦編曲。總活在迷霧之中,怨氣太多,希望太少;與你和我一樣,在小小的香港同受壓抑、同唱悲歌、每天僅為生活掙扎求存。興趣在表達藝術治療、哲學、心理學、生活、音樂、藝術、政治、宗教等。小妹專頁:https://www.facebook.com/pages/YanKi/1002326119779241



原文連結