2017-03-18

【輔仁媒體】靚女Louisa:你班sell屎可以有幾無良先可以向個中年大叔sell 抹西濕紙巾?! (5084)

我屋企附近既一間藥妝店啲sell屎特別on9, 佢地好似會有啲重點產品,只要見到有客人就會唔理佢需要與否,瘋狂sell個重點產品。佢地既推銷技巧我都算見識過,真係得啖笑。

我一頭黑色長髮,佢都好意思sell 我淺啡色染眉膏,仲話宜家買定將來可能會染咗頭髮就可以用。哇屌,你真係夠面皮用呢個理由sell我。 仲要sell我老母 買孕婦 supplement, 你係覺得我地邊個似大肚婆啊。 又或者我對肥仔波至少大你個double,都好意思⋯⋯ 算,唔講喇。

咁前幾日我用曬包卸妝濕紙巾,見老豆出門口買嘢,就叫佢順便幫我買翻包。我都知道呢間藥妝店店員好on9, 為咗唔好俾班sell屎撚化我老豆,我特登send咗張圖俾佢。

千叮萬組叫佢跟住張圖搵,搵唔到就再搵多次,真係搵唔到就算,唔洗叫店員幫手。我重申咗好多好多次,我淨係要卸妝濕紙巾,唔洗買其他嘢。

我都以為實無死啦,哈哈哈,我實在係太年輕啦。 就係我滿心歡喜等我老豆凱旋回歸幫佢開門後,佢攞咗包咁既嘢畀我。

???????????????

EXCUSE ME?????

點解我既卸妝濕紙巾會Smell Clean & Feel Fresh, Anytime, Anywhere???

咦唔係,唔通呢個就係傳說中既抹西紙巾?

⋯⋯

你地究竟有無廉恥,我老豆五官端正,相貌堂堂都算係一表人材。我知佢係個好丈夫,係個好爸爸。點解你地要叫佢買抹西濕紙巾???

我老豆仲好無辜咁講:「 我無搵佢地咖,佢地主動問我搵咩既,又話呢款啱你呢啲𡃁妹用咖喔⋯⋯」

停啦,唔好再講啦。

我已經唔想問佢究竟佢係間鋪頭發生咗咩事了。

(啊,唔記得講,佢買咗7包。我諗抹到我個西爛都用唔曬。)

關於作者:靚女Louisa
鳩到不能再鳩的筆名,為嘅只係好好紀念嗰一刻



原文連結