2018-03-30

【獨立媒體】山美:一個居住長安邨30年居民自白 (621)

革命….並唔係一次成功就可以堅持到永遠……

2017年對於所有長安邨居民黎講,係一個轉捩點, 因為2016年底有一班人自組義工團隊 (長安後浪) 同法團週旋, 大概都係民生問題, 當初嘅我, 只會覺得成條邨咁多人, 你地長安後浪可以做到咩大事丫, 日子慢慢過, 佢地號召力越黎越大…最後佢地成功推翻舊人。

金錢…..應該係一個導火線, 正正因為佢地發現好多不明大金額支出, 而叫醒熟睡中嘅人….

lof34

一年又過, 黎緊4月8日係換屆業主大會, 開初我單純得以為舊人會放棄, 最多都係心有不甘, 想報復而走去參選, 直至3月27日公佈參選人名單, 竟然見到一個既熟悉但又好陌生嘅人去參選, 依個人係長安邨2期區議員譚惠珍, 點解我會話佢係既熟悉但又好陌生呢?! 因為我住2期30年, 我一直覺得依個區議員係形同虛設, 唯一可以見到佢就係盆菜宴同生果檔, 一直流傳譚惠珍同舊主席李錦麟關係好到不得了, 而今次譚惠珍帶同舊法團委員一齊報名參選 。

rie

當2017年舊法團下台後, 有多街坊都親自發掘邨內問題, 最終比我係港深管理時代輕易搵到譚惠珍同舊人掛勾嘅資料。

2001年長安邨業主立案團成立, 同樣係區議員嘅譚惠珍竟然可以免費佔用一個270呎嘅倉, 眾所周知, 長安邨內倉庫都以付款形式租予要裝修居民及邨內承辦商, ( 如平均呎價$10/呎, 16年來長安居民白白沒了$518,400 ) 究竟點解譚惠珍會有此特權? 變相地同舊人虧空公款?



原文連結



No comments: