2018-11-06

【輔仁媒體】白木乩:建議香港消防處向海關舉報李卓人擅自使用 #任何人 角色作選舉用途 (651)

任何創意都有成本,任何人開廣告agency 都要開飯,創造一個角色,創造一個hashtag 或harshtag 都係錢。

因劉小麗宣誓玩野而觸發的2018立法會補選(簡稱「因選」),候選人之一嘅劉小麗黨友3號李卓人,其本人或 / 及競選團隊見今日消防處 #任何人 吉祥物大受歡迎,於晚上開始陸續於李卓人FB 專頁及反對派友好專頁(包括資訊科技界立法會議員莫乃光),公然發放抄襲 #任何人 角色的競選物品。

【任何 #人,都可以撐李卓人】任何仁?任何人皆可撐阿人?原來撐「人」就係咁簡單!11.25…

李卓人 Lee Cheuk Yan 發佈於 2018 年 11 月 5 日 星期一

版權條例好複雜,我認為李卓人有咩應該留番同個官講。

個精神好簡單,香港政府同埋消防處,in house 又好(我相信唔會),真金白銀俾左公關公司又好,都係公帑,而家呢個公帑製造嘅創意產物,俾一個候選人挪用,如果政府唔追究,是咪即係用公帑資助個別候選人,咁對其他候選人係公平咩?

咁各方有咩可以做?

1 版權持有人,我相信係香港政府,應責成海關調查李卓人是否侵權,海關有權力立即沒收市面上所有懷疑侵權物品,包括搣曬啲海報,要求FB 刪佢POST之類,制止李卓人呢個偷公帑濟助選舉嘅行為。

2 選舉對手,即1 伍廸希 2 曾麗文 4 馮檢基 5 陳凱欣,應向選舉事務處舉報選舉舞弊。方向、係當消防處唔做任何野阻止李卓人嘅時候,舉報香港政府非法招致選舉開支,即係佢哋俾錢製作嘅 #任何人 包括李卓人,咁仲成世界嘅?

3 各九西選民你覺得李卓人做得好,就俾票佢,做得唔好,就投第二個,就係咁簡單。

4 黨同伐異嘅繼續安分守己黨同伐異就好了,法理道理對大家來講其實唔重要,至於創意工業嘅死活,都更加係好閒啦

公平選舉有賴你我呀。

關於作者:白木乩
白木乩
聽聞係總編分身,專用來出D 與總編身份不符既膠文


原文連結



0 comments:

Post a Comment