2018-12-05

【眾新聞】一悠:Form one仔今天的筍工 (990)


 

有中學老師朋友,今早口痕,出了一條超級老土作文題 ——「我的志願」,測試一下時下少年心態咁話。一班二十四人,竟有兩學生寫——我的志願是做選舉主任,可見選舉主任是筍工 ,居然連Form one仔也聽過。

這當然是好工,鍾意DQ邊個就邊個,自然有律政署人員幫你度法律,幾個SEO通頂替你找朱凱迪、周庭的過往放毒賣國言行,傳媒又登晒你的西裝靚仔相,777必定撐硬你。DQ完人,可以玩失蹤不必返工兩天,以免記者及黃之鋒之流來圍剿,又可以不開口回應就收D2人工。好過做醫生十倍——現在做醫生,隨時俾人告到甩褲,有幾個還坐緊監。所以最緊要讀完大學考到AO便可 ,絕不要醫生牌什麼MBBS。

做選舉主任工作陸續有嚟,官校教師朋友話現在DQ「公職人員」,但什麼叫「公職人員」?任佢九噏演繹——官校教師拿的是公帑,還不是「公職人員」!?上堂講港獨,愛國的老校可以馬上捉你入校長室畀verbal warning你,再講就出兩個written warning,可以炒魷,等你的長俸射落南海。

加上譚惠珠婆婆,今日話——「簽署的聲明是一回事,與言行是否一致是另一回事。」即是說簽紙也冇用,最緊要是——以言入罪!至於你的言行,由大晒的選舉主任決定 。所以,Form one仔都知,選舉主任,是荀工。

譚婆婆呢D人,為虎作倀,其實佢唔開口得唔得㗎?


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe



原文連結



0 comments:

Post a Comment