2019-04-25

【眾新聞】假才子:常人犯法要坐監 權貴犯法受保護 (101)


佔中九子案,有啲人話犯法喎,梗係要坐監。

律政司夫婦,嗰啲人就話僭建人人都有,好小事直頭罰錢都冇需要。

引渡條例,商界集體認偷呃拐騙貪污逃稅乜犯法嘢都做齊, 仲大條道理話返大陸唔犯法點發達,唔見嗰啲人出聲。

大家都知咩事的阿 package 老豆逃亡過大海 (太平洋唔係伶仃洋),又唔見人話澳門同大陸法律有漏洞, 點解唔同楓葉國簽約堵塞。

講到底,香港啲監倉係比下等人坐嘅,有權有勢又使乜要坐。佔中三子,又冇發達又冇公職,係法官眼中即係對社會冇貢獻啦, 仲唔係要坐?律政司老公就唔同啦,就算身為前工程師學會會長, 使唔知幾多萬僭建個游泳池,都係無心之失啫, 仲有咁多公職對社會咁大貢獻,梗係唔使坐啦。 嗱預算案派糖退稅係退兩皮,家陣罰你都係罰兩皮, 同食粒糖差唔多啫,真係甜到入心,人間有愛,天地有正氣,香港有法治,仲有好多正能樣......打錯,正能量。

(PS:貪曾係失咗勢所以先要坐,否則特首下令ICAC唔查容乜易。)


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe



原文連結