2019-06-10

【獨立媒體】Tung Kwong:「反正點示威都冇用,我不如死左佢,最好一槍啪過來。」記昨晚一個年約15歲的示威者 (1856)

內容:
自由標籤:

題為編輯所擬。

「反正點示威都冇用,我不如死左佢,最好一槍啪過來。」, 只有年約15歲既佢咁講⋯⋯

9點幾,有幾個想衝出馬路既示威者被警察趕回行人路,此後,一班示威者開始集結同一位置,好快就有多於200人。

我留低咗係佢地身邊。

令我驚訝既係,相比旺角騷亂被判罪既示威者,哩班明顯再後生好多,最細既目測應該只有15歲,當中約有四份一都係女仔。

問佢聽日洗唔洗返學? 「俾人拉咗學校會知架喇,不過最好都係唔好俾人拉囉⋯⋯」

一個較大年紀既話,佢今日冇加入遊行隊伍,而係直接來金鐘,「與其嘥力行成日,不如直接來睇下有咩實際野可以做⋯⋯香港人真係好潔癖,大聲啲都話你係鬼想搞事,睇我個樣都知唔爭嗰幾百蚊一工啦,東區老鼠哥咩⋯⋯」(意指前日東區所謂黑社會小頭目,綽號老鼠,凌晨揸Benz掟汽油樽落警總對出路面。)

「反正點示威都冇用,我不如死左佢,最好一槍啪過來。」 只有年約15歲既佢咁講⋯⋯

當我打電話向老婆報平安再覆述呢句時,我真係忍唔到眼淚⋯⋯

到底一個幾殘忍既政府,先可以迫到咁多後生仔女以死相迫? 我地較年長既一輩人以前做少咗幾多,先會令呢一代人為我地後補咁多,要不惜代價抗爭?

時近11點,小朋友:「算啦,都搞唔起架喇,啲人咁散,都冇咗成半人⋯⋯」

上地鐵時,身邊朋友因爲民陣主持講左幾次『俾啲掌聲自己』同播咗幾首歌而非常憤怒:
「原諒我講句,相比起而家仲係外面班靚仔,在下各位,都係垃圾!包括我! 聽日準時返工啦!垃圾!」

無錯,相比起呢班可能已經捱慣警棍、胡椒噴霧既後生仔,我真係一舊垃圾!

最後,我只想同和理非暴力既人講:唔好再以為衝就係鬼!警察絕唔會白痴到請人打自己,例子:老鼠哥掟樽都只會掟路面同暗角!你係咪真係信個警司話老鼠哥唔夠力所以掟少左20cm?

香港既抗爭路線、氣氛,早已昇華到武力層面,唔知,只係因為你唔入流或選擇性唔知。

當你唔認同他人既行為同時,請唔好指責點解人地同你唔同,各自上山,各有各做!



原文連結



No comments: