2019-10-23

【輔仁媒體】白木乩:如果台灣要接收陳同佳,仲有幾多個玩法? (624)

林鄭最ON9 就係,同一個經歷黨外運動,黨內黨外經過咁多鬥爭,死過咁多人,選過咁多次,而家出左第二位中華民國總統嘅民進黨玩政治。真心咩?尾燈都見唔到人地啦。

講正經。

如果台灣民進黨蔡英文政府肯幫你,好多方法:

1)管浩鳴送佢去嗰次俾佢入境已經搞掂左。

2)按照中華民國憲法,香港屬於「固有領土」,執法人員到香港「執法」並非「跨境」。按照九二共識,一國中國各自表述,台灣警方來港「執法」純粹「地區行政事務」,屬於「中國內政」。

3)2016年示範過,當年香港發生水泥藏屍案,三名疑犯潛逃台灣三十日被當局拘捕,台灣押解凶嫌到桃園機場,國泰航機於機場等候,九名香港警察於登機橋「迎接」,完成交接後隨機返港。台灣方面理由簡單:國泰係香港嘅航空公司,機艙屬於香港「領土」。按照呢個玩法,台灣派架華航來香港接陳生,或者俾佢登上華航香港去台灣嘅航班喺機上拘捕,已經搞掂。

所以人地唔係無方法,而係唔想,唔撚想幫你。

中華人民共和國喺國際社會上經常要邊緣化中華民國,而家人地有個咁好嘅機會,玩鳩你林鄭事少,玩鳩埋背後嘅中國共產黨先係主菜。

來緊一月台灣都總統選舉,本來民進黨經歷過上次大選,都大傷元氣,蔡英文一度被黨內元老逼宮,差啲收皮,如果要講人血饅頭,蔡英文簡直係食放題「吃到飽」,自從反送中浩浩蕩蕩,佢都唔洗諗會輸,一句「你想唔想台灣變香港」已經夠贏韓國瑜。

對民進黨蔡英文來講,你香港越亂越好,咁先顯得投共嘅國民黨係完全唔會有將來,台灣人唔好投錯票呀,咁咁咁。

當然,都唔好講陳同佳真係投案成功,是咪真係能夠止暴制亂啦,而家啲人上街燒嘢,仲係因為反送中咩?

作者:白木乩
白木乩
聽聞係總編分身,專用來出D 與總編身份不符既膠文


原文連結