2013-01-12

巴士佬:民主回歸論徹底破產 (228)

原文連結
無綫新聞 2011-1-11 20:31 - 政府假設2030年深圳居民毋須簽注訪港

立法會財委會通過,蓮塘口岸部分工程撥款,當局透露假設深圳居民,可以免簽注入境,蓮塘口岸到2030年,每天最多需要處理三萬多人次。 立法會財委會通過,連接深圳的蓮塘口岸部分工程,一億八千萬的撥款。發展局的文件透露,到2030年假設深圳居民訪港,毋須取得內地出境簽注,預計新口岸每天客流量有30700人次,車流量是20600架次單計人流,一年會處理超過一千萬人次。 有議員質疑口岸是,為了新界東北發展做部署,方便內地人來港。但也有議員認為,蓮塘口岸不應與新界東北發展扯上關係。 蓮塘口岸預計會在2018年落成。

呢單新聞反映住兩個重點:

  1. 呢個計劃分析唔係由中共進行, 而係由香港特區政府提出。亦即係話, 香港班官出賣香港。當年彭定康臨走前嘅預言:
    我要盡力強調這點- 我感到憂慮的,不是香港的自主權會被北京剝奪,而是這項權利會一點一滴地斷送在香港某些人手裏。宣告命中!
    亦同時可以將特區政府改名做「港共傀儡政權」。筆者日後都只會用呢個稱呼, 直到中港分家為止。
  2. 2030年距離1997年主權移交只得三十三年, 相對《中英聯合聲明》承諾的「五十年不變」少咗三份之一。但無論少咗幾多, 呢件事就證明共產黨跟本無打算遵守承諾。

呢單新聞亦同時解釋得到為何中共同港共傀儡近年不斷高舉「中港融合是很重要」以進行洗腦, 並且不斷強推很多「中港融合」的計劃, 包括自駕遊、海上自駕遊、新界東北割地, 蓮塘口岸之餘還有廣珠澳大橋等等, 目的就是要盡快確定2030年呢個目標係可以達成, 甚至提前落實。

另一方面, 亦解釋到為何國民教育來勢汹汹、DBC滅聲、新電視台牌照拖得就拖。目的就係要消滅任何會妨礙達成2030年呢個目標嘅發聲渠道, 即使王維基如何保證以娛樂作主打新聞時事為副, 中共為求將風險減至最低, 情願要蘇匪錦樑捱鬧捱打都一定要拖延落去。本來白紙黑紙寫好的07/08雙普選, 共匪也要千方百計一而再、再而三押後, 原因也可以肯定是避免因為香港有民主制度影響2030年呢個目標。

既然「五十年不變」的承諾已經徹底走數, 當年高舉「民主回歸論」期待香港成為中國共產黨逐步走向現代文明民主政制嘅動要動力來源, 也可以宣告徹底失敗。更是引證咗中國共產黨根本不可信, 《中英聯合聲明》不過是予以香港人和英國政府的權宜之計而已, 即係粗俗啲講法「呃住你哋先咋, 傻仔」。試問還要堅下「建設民主中國」落去嗎?

更是要點出, 既然三十年前的中英談判、聯合聲明簽訂係未經咨詢港人, 違反國際人權公約嘅族群自決權;而現在「2030年」已徹底粉碎《中英聯合聲明》的承諾, 香港還不跟中共分家, 就只有被中共吞噬滅亡。如何分家? 我認為應該追溯三十年前未有咨詢港人的「債務」-- 立即公投, 全民公決, 香港人自決主權同前途!!!
來源: Facebook 我哋係香港人, 唔係中國人 專頁


延伸閱讀

共產黨「斷正」廿二條
共產黨呢次仲唔死 (另加:泛民唔該交代清楚!)
以埃及為鑑 ─ 民主統一隨時搞出禍
各位鄉親父老, 小心歷史重演 **各位「條賓周值幾百萬」嗰啲人, 自己諗清楚啦!**
梁振英想做吳三桂就大聲啲
堅持統一, 遲早搞出大頭佛
香港唔支持民主中國唔得架
廿三年後的反思
民主統一大中華必定好事?
不同的決定, 會走出不同的路 (追討香港「回歸」呢條爛數, 除咗中英, 仲有.......)
宜居灣區, 死心不息, 捲土重來
哪怕當年的新加坡的歷史重演
港珠澳大橋「被拖垮」還是「多舊魚」

黃世澤 - 泛民死守大中國主義遲早被淘汰

返回主頁