2014-05-01

陳到:我也支持一夫一妻一男一女一生一世的,但係我無你地咁賤格囉 (5480)

為了方便閱讀,以下簡稱「一夫一妻一男一女一生一世」為$6.1,六個一。

身為已婚人士,我對 $6.1 沒有甚麼反感,覺得 $6.1 是頗理想的。但是,我對有教會刻意宣傳這種價值觀,過於煞有介事,似乎他們的目的不在堅持 $6.1,而是要反對 $6.1 以外的所有可能性。他們反對的理由,主要是基於怕同志平權運動帶來一系列的性解放運動,令 $6.1 崩壞,下一代被迫要接受多元婚姻。有些東西,我實在不想回帶講完又講。$6.1 是不是聖經對於婚姻的全部教導?我實在有保留。舊約有很多元的婚姻,而舊約世界主要譴責的,是異族通婚和亂倫。對於一夫是否一妻,舊約似乎沒有評價。所謂捍衛聖經的婚姻,其實很值得 question。但這還不是問題的重心。

真正 bother 我的是,點解個社會咁多_ _ 野你唔出聲,你硬係要去搞同志呢?

請別再跟我說「我地都有關心社會其他議題架,我地有去油尖旺派飯架」,我唔係講緊呢d野。呢d野你梗係要做啦。我講緊既係點解性道德會比其他道德佔更多資源?食環搞婆婆,點解唔出張 banner 抗議?官員不斷撒賴,點解唔發起祈禱會?高鐵超資,教會做過d咩?我還未談到政改呢。呢d野,教會總係嫌牽涉政治,難出聲。有幾難呢?呢d全部都係切身的問題,是非黑白亦明顯,更會影響下一代。呢d你地通通唔搞。同支平權嘞,你地咩三大宗派搞遊行?我講緊既係呢d失衡呀。呢d咪又係政治,呢d咪一樣複雜,你覺得有關,咪拍片、印 banner、搞遊行囉。三大宗派,你地咪再同我講咩政教分離啦,你地自己咪搞緊政治囉。_ 你。

對於真正要對抗的,例如是港共政權,你地唔對抗;對於別人的自由,例如同志平權,你地大鑼大鼓搞 _ 人。我實在係恥於做香港的基督徒。唔係睇在耶穌份上,我早就反耶了。

banner



原文連結