2014-06-22

【熱血時報】陳雨:參加完電子公投,香港人應該問自己…… (1944)



我想同大家分析下,622公投背後背後香港人嘅贖罪心態同攞威心態。

首先,你究竟知唔知道其實你投緊嗰三個選項係咩?三個方案有咩分別?知唔知提委會係乜?

其次,是次投票無公信力可言,頂多只係個超大型民調,而且投票時間亦長得出乎常理。投票制度唔安全,身份證號碼可以用ID generator砌、可以用小朋友或已故人士的身份證號碼登記;電話號碼可以買太空咭。此外,「民主大報」毒果日日吹雞,親共明報亦竟然幫拖谷票。是次投票由6月20日開始接受投票,到6月29日截止,投票竟然可以投10日,真係第一次見。要谷一係就去盡啲啦,投足一個月呀笨。

口口聲聲話唔投票就唔係香港人。咁真正發生緊事嘅時候,大家喺度做緊咩?新界東北發展撥款有無關心下?你以為淨係關村民事?而家實際上係搞緊中港融合呀!撥款一通過,到時大陸人來港就可以免簽證居留,自出自入,到時聽攬炒仆街。

政府話向大陸買電,單新聞有無留意過?個諮詢有無填過意見書?有無寄過

大陸出白皮書踐踏香港司法制度,話一國大於兩制,有無人肯花幾分鐘簽 petition 煲大件事,向境外宣揚,逼英國佬表態?

政府要通過撥款起大型基建,改變香港地形,達致中港融合。呢件事有無人理過?有議員喺議會拉布,阻止通過,當時你係支持,定係一味屌鳩佢地激進、浪費公帑呢?

有無人真係認真留意下、監督下攞咗我哋選票嘅議員嘅工作?抑或大安旨意交由代議士處理,然後乜鳩都唔使理?我想講,呢樣係作為公民、選民嘅基本責任,究竟有無人去承擔過?

無嘅話,唔好大大聲話做咗個大型民調,就急急喺自己面上貼金。

如果大家真心想投張有用嘅票,而家都可以做返啲野去補救。就係叫何俊仁辭職(佢自己喺2013年嗰時話佢肯架),或用壓力逼使泛民,分別搵出五個區的議員辭職,搞多次五區公投!咁你投嗰票真係強而有力,真係為民主而投啦。

我知大家都好想香港有普選,但係想之餘,其實真係要付出架。希望大家唔好只係滿足於精神上打飛機式的大型民調、六四燭光晚會,同埋七一遊花園。真係要多點留意香港發生緊咩事,唔好忽然民主,其餘時候見到政治就避而不談。呢個地方係大家嘅,其實我哋個個都有責任去守護的。


(圖片來源:Johnny Leung @ USP社媒


原文連結