2014-10-03

【輔仁媒體】健吾:學聯,你一定要知村民諗緊咩——寫於689記招後 (3782)

藍皓 攝

藍皓 攝

今日節目完結的時候,我說:「香港人係點既呢?好多國內朋友都同我講,佢地係睇大電視台去認識香港人既。係電視劇入面,D媽媽級既演員,去勸個老豆,唔好打壓個仔自由戀愛果陣呢,果句對白一定係:『阿仔受軟唔受硬架,等我勸下佢啦。』香港人,個個都受軟唔受硬既。我估,大家都知既,呵?」

你看梁振英口窒窒,林鄭難掩她的笑意。你知道,梁生已經被架空。他的底線很清楚:你唔衝,唔搞鐵馬,暫時冇事。

最後,真係軟攻。中大、港大兩大校長出手,校長在電視媒體面前,唔小心說了一句:「我地既運動……」後來雖然他立即改口,變成「你地既運動……」,大家都明白,為什麼他們受歡迎。沈祖堯在記者會前,連馬斐森,神色凝重。記者會後,有笑容了。大家都鬆一口氣,還說了一句:「我地今晚係好夜先決定過黎,唔係政府決定叫我地過黎(說了兩次)。」校長,真的很難做。見到校長的笑容,我的心也安了一點。

昨天晚上,我在這兒問,他們如何傾。事實上,整個社會,已經在談。對話的定義,是如果大家都知道大家的底線是什麼,而底線是「沒有辦法改變」的話,根本就不用談。所以,如果這一次林鄭和學聯談判,學聯的底線離群眾太遠的話,學聯將萬劫不復。

總之,事情仍在膠著。將來會如何,整個社會也把希望和重擔交給學聯了。我只有兩點希望:

一、政黨們,說少一句。這場運動,你們只可以當輔助角色。

二、學聯,要知村民諗緊咩。你做既事,如果唔係村民咁諗,香港人將不會放過你。



原文連結