2018-07-26

【輔仁媒體】渾水:女拔被人笑投共又有咩所謂 (323)

身邊好多女拔萃嘅畢業都好介意呢段新聞。名校女ego 大,溝過就知道。個人經驗,女拔同聖心女係最難媾,次次都中招,搞到成身傷晒。

好似我咁,中學讀啲名不見經傳嘅地區山區學校,放學就同街童惡霸為伍,日日去街場打波俾人恰,又或者恰人過日辰,過住垃圾廢青但無憂無慮嘅生活。根本就無人介意你讀邊間學校,老豆係邊個,識啲咩人,有幾巴撚閉。我哋呢班友喺社會上從來都俾人無視,我地冇ego架。如果有個人過嚟笑我哋學校投共,我會好開心,因為人哋唔再係「睇我唔到」,而係改善為「睇我唔起」,呢個係一個極大嘅進步。Yeah! 正能量爆發。

其實成班畢業生同中學距離都10幾廿年,仲執着學校嘅名譽,當然可以係歸屬感啦,但其實骨子裏最介意都係人哋標籤埋你,殃及池魚。

好似我咁,人生有兩大成就:第一,我係葉劉J 圖KOL,常常分享中環高學歷人妻露出白滑美腿嘅極品J圖比各大網民分享。呢個成就已經可以名垂千古。第二,我係爭取成為Angela Yuen top fan但無疾而終協會嘅榮譽會長。我人生能夠擁有咁高嘅成就,唔通我仲會周圍同人講我15年前係來自邊間中學咩,英雄莫問出處呀嘛。It is not who you are underneath but what you do that defines you.

笑鳩中學生,訪問90後好爸媽買樓,或者富二代講離地金句,都係一個常見嘅媒體操作。因為取笑呢一啲目標可以換來極高點擊率,大家做咗咁多年人,受過高等教育,都應該見怪不怪㗎啦,唔使咁執着喎。呢一個論點,容樂其都有講過。

當你一講啲咩一竹篙打一船人,以偏概全等等去反駁,就證明你個人好執着,認真你就輸了。

(編按:你係葉劉J 圖KOL of KOL,個個都係你貼完之後跟風……)



原文連結