2020-01-19

【立場新聞】關兆倫:【黃埔年宵】我要話你知呢單嘢有幾荒謬 (7012)


黃埔年宵個場係一個政府嘅閒置地,原本個巴士站搬咗之後已經曬太陽曬咗好耐。宜家民間建議做年宵與民同樂,出心出力籌備,個政府要有幾衰先會連咁都要打壓。

但我要同大家講最荒謬個點,係有一個部門隻手遮天。

做年宵市場需要申請「臨時公眾娛樂牌照」,重點主要確保在人多的情況下,如有突發情況,如何確保市民安全。一般情況下,最相關的政府部門是消防處(防火和滅火設備)、屋宇署(逃生路線與臨時建築物)和機電工程署(如有機動遊戲)。

以上三個部門都無反對黃埔年宵個申請,消防處仲連證書都出埋,但就有一個部門跳出嚟話會有「公眾安全」問題,嗰個部門叫香港警察。最可笑係佢無解釋。人多?你可以人流管制。事實上比起維園/花墟,我地呢個係屬於蚊型。定係覺得「阿 sir 做嘢唔洗你教」,所以可以唔使解釋 ban 你就 ban 你? 你憑乜嘢 override 其他部門嘅意見?只要將「公眾安全」無限放大,警隊就可以隻手遮天?

香港無疑已經成為 Police State,而且可以想像呢隻黑手將會繼續伸向大家生活嘅其他層次。

#呢個明顯係政治打壓
#林鄭就係唔俾你開心



原文連結